Lyrics:

Zoe ellein op 't strand, lekker luij in 't zand, zoe heerlijk röstig.
'ch Daon vendaog geine slaag en geneet vaan deen daag, zoe heerlijk röstig.
Iech höb 't heij naor miene zin, en vrief miech good met olie in.
Now wat wèl iech noch mie, in de zon aon de zie, zoe heerlijk röstig.
En wiet weg klink 'ne monika, dee späölt do-re-mi-fa-sol-la.
La la lie - la la la, zoe heerlijk röstig.

'ch Bin de keuning te riek, es iech zoe um miech kiek, zoe heerlijk röstig.
En die sjoen melodie, die vergeet iech noets mie, zoe heerlijk röstig.
De zon bereik d'n hoogste stand, en iech veul tot iech gèt bin verbrand.
Iech gaon nao e terras, haw e kaaijt pèlske vas, zoe heerlijk röstig.
En naor 'n eurke gaon iech trök, en lègk miech weer op miene rök.
La la lie - la la la, zoe heerlijk röstig.

Euver 'n eurke of twie, zak de zon in de zie, zoe heerlijk röstig.
En daan gaon iech naor hoes, want beij miech is 't thoes, zoe heerlijk röstig.
Iech dink daan aon dee muzikant, zou dee ouch erreg zien verbrand.
Op mie kösse hiel zach, slaop iech lekker venach, zoe heerlijk röstig.
En mörge gaon 'ch weer naor 't strand, en zet de zörreg aon de kant.
La la lie - la la la, zoe heerlijk röstig.
Ja, ja.