Lyrics:

Tere ghar ke samane
Ik ghar banaunga, Tere ghar ke samane
Duniya basaunga, Tere ghar ke samane
Ik ghar banaunga, Tere ghar ke samane

Ghar ka banaana koi, aasaan kaam nahin
Duniya basaana koi, aasaan kaam nahin
Dil men wafayein ho to, tufaan kinara hai
Bijali humare liye, pyar ka ishara hai
Tan man lutaunga, tere ghar ke samane
Duniya basaunga, Tere ghar ke samane
Ik ghar banaunga, Tere ghar ke samane

Kahate hain pyar jise, dariya hai aag ka
Ya phir nasha hai koi, jeevan ke raag ka
Dil mein jo pyar ho to, aag bhi phul hai
Sachchi lagan jo ho to, parbat bhi dhul hai
Taare sajaunga, tere ghar ke samane
Duniya basaunga, Tere ghar ke samane
Ik ghar banaunga, Tere ghar ke samane

Kanton bhare hain lekin, chahat ke raaste
Tum kya karoge dekhen, ulafat ke vaaste
Ulafat mein taj chhute, ye bhi tumhein yaad hoga
Ulafat mein taj bane, ye bhi tumhein yaad hoga
Main bhi kuchh banaunga tere ghar ke samane
Duniya basaunga, Tere ghar ke samane
Ik ghar banaunga, Tere ghar ke samane