Lyrics:

1)
Dat ess ald widder su en Naach,
en der et wie uss Kanne räänt,
dä letzte Rest vun mir ahm Steuer häng
un Richtung Kölle jähnt.
Woor dä komisch, hück dä Auftritt,
ich woor nit besonders drop,
wenn dat nit baal ze rääne ophührt, ...
woröm blend dä dann jetz op?
Hann ming Fingernäjel baal
bess ahn de Schulder affjekäut
un die Kassett vum Springsteen ald
wat ahn ner Autobahn romantisch ess,
do blick ich noch nit hinger
un dä Mohnd vun Wanne-Eickel
ess nu wirklich nit dä Bringer.

Refr.:
Frau, ich freu mich unbeschreiblich op dich.
Jawohl, ich freu mich, freu mich wirklich op dich.
Klar, ich freu mich - tierisch op dich.

2)
Ich maach et Radio ahn un paar
Minutte spääder widder uss,
denn do kütt usser Peinlichkeite
wirklich keine Ton eruss.
Et int'ressiert halt nit, wenn einer
singk, dat dä nur mir jehührt.
Et ess mir naachs öm drei ejal,
wer - wie - woröm ne Jet entführt.
Will nix wesse vun dä Bettwäsch
vun Prinz Charles un Lady Di
un selvs dat dat wer int'ressiert,
dat int'ressiert mich jetz nit mieh.
Ich stell mich op et Jaaspedal,
als wöhr hück Wüstenrot - Naach
un freu mich wie e Kind op dich,
ich freu mich ald der janzen Daach.

Refr.:
Frau, ich freu mich unbeschreiblich op dich.
Jawohl, ich freu mich, freu mich wirklich op dich.
Klar, ich freu mich - tierisch op dich.

3)
Ich wöss ens jähn, woröm dä Vati
met dämm Sticker ' Let's go West '
mich nit vorbeilööt, oh, die Typen
hass ich wirklich wie die Pest,
met ihre Autonummre op et
Sofakesse dropjesteck,
dä Klopapierroll em jehäckelte
Etui diskret versteck.
Birch eraff met Röggewind,
minge Speed weet gigantisch
ohne Strunzerei,
volle nüngunachzich,
hätte ich Flüjel, ich höff aff,
leet all die Trottel unger mir
un löösch blitzartig hinjebeamt
em warme Bett ald nevven dir.